Tagalog Translations

[Self-Employed] Paano Mag-file at Magbayad ng BIR Annual Fee Online

February 3, 2021 by Ray L. 1 Comment

English Version (Click Here)

Bilang isang self-employed na blogger, kailangan kong magrehistro sa Bureau of Internal Revenue (BIR) at magbayad ng buwis sa gubyerno. Bukod sa pagbibigay ng mga resibo at pagbayad ng buwis, kailangan ko rin magbayad ng registration fee na P500 taon taon (yun ang presyo ngayong Enero ng 2021) at kailangan ko itong bayaran bago mag Pebrero para hindi ako pagmultahin. Kung ikaw ay self-employed katulad ko, kailangan mo ring bayaran iyon.

Noong pumunta ako sa BIR RDO (Revenue District Office) kung saan ako nakarehistro para magbayad ng registration fee, sinabi sa akin ng isang matulunging empleyado na kailangan ko itong i-file online gamit ang eBIR, tapos kailangan kong bayaran ito sa isang accredited na bangko o sa GCash. Nagpapasalamat ako at itinuro ng empleyado sa front desk kung ano ang mga kailangan kong pindutin at ilagay na datos sa eBIR forms gamit ang kanilang 0605 payment form.

[Read more…]

“Ang Brownout ay Hindi Burnout”: Tatlong Payo sa Para sa Panahon ng Pagsubok

January 13, 2021 by Ray L. 1 Comment

English Version (Click Here)

Lahat tayo dadaan sa panahon ng pagsubok, at minsan sa mga panahong iyon nagiging sobrang lala ng mga nararanasan nating sakuna na halos maubos ang ating inspirasyon at motivation sa buhay. Nangyayari iyon sa lahat, at kailangan nating alalahanin na kung hindi natin kayang harapin ang mga problema sa ngayon, hindi nito ibig sabihin na hindi natin sila kakayaning lampasan.

Kapag napakarami tayong hinaharap na problema at pagkabigo, minsan mainam na tumigil muna tayo, magpahinga, at magbago ng pananaw tungkol sa mga problema natin. Kung malubha man ang kalagayan ng mundo, kailangan nating palakasin ang ating loob lalo na sa pagiisip natin tungkol sa ating kakayahang harapin ang ating mga problema.

Narito ang ilang aral na makakatulong kapag nakararanas ka ng panahon ng pagsubok.

[Read more…]

Ang Halaga ng mga Pinagiisipan: Isa ka bang “Victim” o “Victor” sa Buhay?

November 25, 2020 by Ray L. 1 Comment

English Version (Click Here)

Isang mahalagang katotohanan sa buhay ang katotohanan na ang pinagiisipan natin ay magiging basehan ng ating kinabukasan. Tandaan, gumagalaw tayo ayon sa ating mga pinagiisipan at pinagpupusukan, at ang mga aksyong ginagawa natin ay mayroong mabuti o masamang kahihinatnan. Halimbawa, kung seryoso mong pinagiisipan na magnakaw ng mamahaling cellphone o gadget, makukulong ka at sisirain mo ang iyong kinabukasan. Sa kabilang dako naman, kung pinag-isipan mong magtayo ng sarili mong negosyo o magsikap sa iyong career, edi maaaring umasenso ka kapag inaksyonan mo ang mga pinagiisipan mong iyon.

Babala: Bago natin ituloy ang article na ito, kailangan ko munang klaruhin ang isang bagay. Sa article na ito, ang pagiging “victim” ay hindi tungkol sa mga tunay na biktima ng pangaabuso (emosyonal, pisikal, o sekswal). Ito’y tungkol sa negatibong mindset na puro paghahanap ng palusot, pagsuko, at pagbibitiw kapag may hinaharap tayong mga pagsubok sa buhay. Ang pagiging “victor” naman ay ang positibong mindset kung saan nagpupursigi tayo sa halip ng napakaraming hadlang sa buhay, at ang patuloy na paghahanap ng solusyon hanggang makamit natin ang tagumpay.

May pagkakaiba ang pagkakaroon ng “victim” mentality at “victor” mentality. Alam mo ba kung alin ang meron ka?

[Read more…]

Tatlong Mahahalagang Aral Mula sa Desiderata

October 7, 2020 by Ray L. 1 Comment

English Version (Click Here)

Naaalala ko pa ang napakaraming umaga kung saan gumigising ang pamilya namin bago mag alas singko ng umaga para kumain ng almusal. Sa mga oras na iyon naghahanda kami ng kapatid ko para pumasok sa paaralan. Wala kaming masyadong magawa noon. Walang mga cellphones o social media sites na kumukuha sa aming atensyon, at walang nakakatuwang palabas sa TV sa ganoong oras sa umaga.

Sa mga taong iyon sa grade school at highschool, mayroon kami dating maliit na plaka na gawa sa kahoy at nakasabit ito malapit sa mesa kung saan kami kumakain. Mayroong tulang nakasulat dito, at iyon ay ang tulang Desiderata, na isinulat ni Max Ehrmann. Iyon lang ang nababasa ko sa silid-kainan namin noon, at marami akong natutunang mahahalagang aral mula dito. Ibabahagi ko ang mga natutunan kong aral dito.

[Read more…]

Paano Iwasan ang mga Online Scams: SMS Spoofing at Phishing

September 7, 2020 by Ray L. 1 Comment

English Version (Click Here)

May naisulat na akong isa pang article tungkol sa mga online scams, pero itong article na ito ay tungkol naman sa phishing at SMS spoofing na mas kumakalat ngayon sa Pilipinas. Kung ayaw mong mawalan ng libo libo o milyon milyong piso sa mga scam at modus na iyon, basahin mo lang ito para malaman mo kung ano sila at kung paano mo sila maiiwasan.

Una sa lahat, para may idea ka sa kung paano gumagana ang mga phishing scam, isipin mong nasa mall ka ngayon at bumibili ng mga groceries. Habang namimili ka, bigla kang nilapitan ng isang “trabahador mula sa Meralco” at hinihingi niya ang iyong pangalan, address ng iyong tirahan, at ang susi ng bahay mo dahil “may kailangan silang iverify” doon.

Ibibigay mo ba sa kanya ang susi ng bahay mo?

Ayaw mo? Paano kung sinabi niyang puputulan niya kayo ng kuryente kung hindi mo siya pinagbigyan? Ibibigay mo na ba ang iyong address at susi?

Malamang alam mo nang obvious na scam o modus lang iyon, pero marami ang nabibiktima ng mga ganoong modus online. Ganoon ang itsura ng mga phishing scam, pero imbes na makaharap mo ang isang kriminal na may pekeng uniporme at pekeng ID, ito’y isang text message o email na nanghihingi ng iyong password, one-time PIN (OTPs), verification codes, o iba pang mahalagang impormasyon tungkol sa iyo.

Huwag mong sasabihin kahit kanino ang iyong password, PINs, at OTPs dahil iyon ang mga “susi” sa iyong accounts. Hindi iyon hihingiin ng mga TOTOONG empleyado ng mga bangko at mga kumpanya, pero madalas itong hihingiin ng mga kriminal na gusto kang nakawan.

[Read more…]